Þrír Danir á skotskónum í jafntefli KR og Víkings

KR og Víkingur skildu jöfn 2-2 í Reykjavíkurmótinu í leik sem lauk rétt í þessu en Víkingar náðu að svara í tvígang eftir að KR komst yfir.

Víkingar urðu fyrir áfalli snemma leiks þegar Dofri Snorrason, fyrrum leikmaður KR, fór meiddur af velli en meiðslin virtust nokkuð alvarleg.

Bakvörðurinn Morten Beck kom KR yfir undir lok fyrri hálfleiks og leiddi KR í hálfleik en Nikolaj Hansen svaraði fyrir Víking um miðbik seinni hálfleiks.

Kennie Chopart kom KR aftur yfir stuttu síðar með þriðja danska marki kvöldsins en Logi Tómasson náði að jafna á ný fyrir Víking skömmu fyrir leikslok.

Upplýsingar um markaskorara koma frá Fotbolti.net.