Castillion kátur í FH-búningnum | Mynd

Geoffrey Castillion er genginn í raðir FH frá Víkingi R.

Hollendingurinn var ekki viðstaddur blaðamannafundinn í Kaplakrika í dag, þar sem hann og Kristinn Steindórsson voru kynntir til leiks.

FH-ingar birtu hins vegar skemmtilega mynd af Castillion í FH-búningnum á Twitter. Hana má sjá hér fyrir neðan.

Castillion var iðinn við kolann með Víkingi á síðasta tímabili. Hann skoraði 11 mörk í 16 leikjum í Pepsi-deildinni.

FH ætlar sér stóra hluti á næsta tímabili en auk Castillions og Kristins hefur liðið krækt í Hjört Loga Valgarðsson og Guðmund Kristjánsson.

Geoffrey Castillion skrifaði í dag undir samning við FH sem gildir út tímabilið 2019. Velkominn í Kaplakrika Geoffrey Castillion #ViðerumFH #fotbolti pic.twitter.com/sMV8WxyjQQ

— FHingar.net (@fhingar) November 24, 2017