Brynjar í Breiðholtið

Brynjar Þór Gestsson hefur verið ráðinn þjálfari ÍR í Inkasso-deildinni í fótbolta.

Brynjar tekur við starfinu af Arnari Þór Valssyni sem hefur þjálfað ÍR undanfarin ár. Á síðasta tímabili enduðu Breiðhyltingar í 10. sæti Inkasso-deildarinnar.

Á síðasta tímabili stýrði Brynjar liði Þróttar í Vogum. Undir hans stjórn enduðu Þróttarar í 2. sæti 3. deildar og unnu sér sæti í 2. deild.

Brynjar var aðstoðarþjálfari Þróttar R. í fyrra en þar á undan þjálfaði hann Fjarðabyggð með góðum árangri.

Brynjar þekkir ágætlega til hjá ÍR en hann stýrði liðinu í átta leikjum árið 2006.