Landsliðsþjálfari Króatíu rekinn

Það voru stórar fréttir að berast frá Króatíska landsliðinu en króatíska knattspyrnusambandið hefur ákveðið að reka landsliðsþjálfarann Ante Cacic.

Eins og flestir vita þá er Króatía með Íslandi í riðli í undankeppni HM en Króatar gerðu 1-1 jafntefli gegn Finnum í gærkvöldi sem gerðu það að verkum að Ísland tók 1.sætið af Króötum í riðlinum.

Knattspyrnusamband Króatíu funduðu eftir leikinn í gærkvöldi og tóku þá ákvörðun að Ante Cacic myndi ekki stýra liðinu gegn Úkraínu í loka leik liðsins.

Það er ekki vitað enn hver mun stýra liðinu í leiknum en Króatía þarf bæði að vinna sinn leik og treysta á að Ísland nái ekki að vinna Kosovó á Laugardalsvelli til þess að tryggja sig beint inná HM.