Við höfum sagt frá stórum hausthængum síðustu daga og það hafa verið laxar yfir 100 sm en vi ðáttum aldrei von á hrygnu sem færi vel yfir það.
Það er reyndar alveg fáheyrt að heyra af hrygnum sem fara mikið yfir 100 sm en þær veiðast þó af og til. Sú stærsta sem við höfum heyrt af í sumar og líklega í fjöldamörg ár veiddist í gær í Víðidalsá af einni mestu aflakló landsins, Nils Folmer, en hann landaði 111 sm hrygnu í Silungabakka í gær. Eins og sést á meðfylgjandi myndum er þetta ansi voldug hrygna og jafnar hún metið yfir stærsta lax sumarsins en hinn er hængur sem veiddist nýlega á Nessvæðinu í Laxá í Aðaldal.
Hrygnan var mæld af Jóhanni Hafnfjörð Rafnssyni og var lengdarmæld 111 sm og ummálið um hana miðja var 57 sm. Lax af þessari stærð er áætlaður um 32-34 pund. Nils var nýlega áður í túrnum búinn að landa 106 sm laxi í Dalsárós sem var 56 sm í ummáli og 86 sm hrygnu úr sama stað ásamt því að missa einn vænann í löndun sem var áætlaður um 95 sm langur.
Afturelding
Fram
