Svona var blaðamannafundurinn hjá Heimi í Laugardalnum í dag

Vísir var með útsendingu frá blaðamannafundi KSÍ þar sem Heimir Hallgrímsson tilkynnti hópinn fyrir komandi leiki gegn Tyrkjum og Kosóvó.

Heimir Hallgrímsson fór yfir liðsvalið sitt og væntanlega mótherja og möguleika íslenska liðsins að tryggja sér sæti á heimsmeistaramótinu í fyrsta sinn í sögunni.

Framundan eru tveir síðustu leikir liðsins í undankeppni HM. Ísland er í öðru sæti riðilsins fyrir leikina með sama stigafjölda og topplið Króata. Það er því ansi mikið undir í þessum leikjum.

Leikurinn gegn Tyrkjum fer fram ytra föstudaginn 6. október og lokaleikur íslenska liðsins í riðlinum er á heimavelli gegn Kosóvó mánudaginn 9. október.

Hér fyrir neðan má sjá á eftir útsendingu frá fundinum en enn neðar má síðan lesa textalýsingu þar sem farið var yfir það helsta sem kom fram á blaðamannfundinum í Laugardalnum í dag.