KR engin fyrirstaða fyrir Val

Valskonur unnu 3-0 sigur á KR á heimavelli í lokaleik tímabilsins í Pepsi deild kvenna í dag.

Fyrirliðinn Elín Metta Jensen kom Val í tveggja marka forystu á fyrstu tíu mínútum leiksins.

Hún skoraði strax á annari mínútu og bætti svo öðru markinu við úr vítaspyrnu á þeirri níundu. Vítið hafði verið dæmt á Jóhönnu Sigþórsdóttur eftir brot á Hlín Eiríksdóttur.

Hlín var svo aftur í eldlínunni á 71. mínútu þegar hún innsiglaði sigur Valskvenna með mark eftir stoðsendingu frá Ísabellu Önnu Húbertsdóttur.

Valur endar mótið í þriðja sæti með 37 stig, en KR í því áttunda með 15 stig.

Úrslit og markaskorarar eru fengin frá fótbolta.net.