Nýr BMW M5 er öflugasti BMW frá upphafi Finnur Thorlacius skrifar 12. september 2017 15:59 Hinn nýi BMW M5 á sýningarpöllunum í Frankfurt. Aðalstjarna BMW á pöllunum á bílasýningunni í Frankfurt er þessi BMW M5 með 600 hestafla orkutröll undir húddinu og hefur BMW aldrei fjöldaframleitt öflugari bíl. Reyndar dregur nýr X7 iPerformance tilraunajeppi BMW einnig augun til sín á sýningunni en tvennum sögum fer af fegurð hans. Afl BMW M5 fer upp frá 575 í 600 hestöfl en aðalbreytingin er ef til vill helst fólgin í því að nú er M5 fjórhjóladrifinn. Allt þetta afl bílsins þeytir honum í 100 km hraða á aðeins 3,4 sekúndum og kemur honum mest í 305 km hraða ef hraðatakmarkarinn við 250 km/klst er tekinn úr sambandi. Sjálfskiptingin er 8 gíra M Steptronic sem tengd er við þrjár akstursstillingar; Efficient, Sport og Sport Plus. Reyndar má lengi velta fyrir sér af hverju einhver kaupir BMW M5 og stillir hann svo á akstursstillinguna Efficient. Þá væri heppilegra að fá sér bara BMW 520d og spara svaðalega í eldsneyti. Hægt er að hafa nýjan BMW M5 bæði í fjórhjóladrifi og eingöngu í afturhjóladrifi og einnig er hægt að aftengja stöðugleikastýringuna, væntanlega fyrir þá sem vilja nota bílinn til að drifta. Bílinn má bæði fá á 19 og 20 tommu álfelgum. Hann vegur nú 1.855 kíló og hefur farið í 90 kg megrun frá síðustu kynslóð. Sala nýs BMW M5 hefst í þessum mánuði og kostar hann frá 117.900 evrum í Þýskalandi. BMW framleiðir 400 eintök af First Edition útgáfu bílsins og fást þeir meðal annars með möttu lakki. Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Arnar Þór á leið í nýjan flokk Innlent Mamma bara María þegar mæðgurnar eru saman á vakt Innlent Senda svifsprengjur fyrir F-16 Erlent Diddy á sjálfsmorðsvakt Erlent „Spurðu svo fyrirtækið þitt af hverju það leggur fé í heimsendakölt“ Innlent Anton Sveinn McKee til liðs við Miðflokkinn Innlent Önnur vopnageymsla í ljósum logum í Rússlandi Erlent
Aðalstjarna BMW á pöllunum á bílasýningunni í Frankfurt er þessi BMW M5 með 600 hestafla orkutröll undir húddinu og hefur BMW aldrei fjöldaframleitt öflugari bíl. Reyndar dregur nýr X7 iPerformance tilraunajeppi BMW einnig augun til sín á sýningunni en tvennum sögum fer af fegurð hans. Afl BMW M5 fer upp frá 575 í 600 hestöfl en aðalbreytingin er ef til vill helst fólgin í því að nú er M5 fjórhjóladrifinn. Allt þetta afl bílsins þeytir honum í 100 km hraða á aðeins 3,4 sekúndum og kemur honum mest í 305 km hraða ef hraðatakmarkarinn við 250 km/klst er tekinn úr sambandi. Sjálfskiptingin er 8 gíra M Steptronic sem tengd er við þrjár akstursstillingar; Efficient, Sport og Sport Plus. Reyndar má lengi velta fyrir sér af hverju einhver kaupir BMW M5 og stillir hann svo á akstursstillinguna Efficient. Þá væri heppilegra að fá sér bara BMW 520d og spara svaðalega í eldsneyti. Hægt er að hafa nýjan BMW M5 bæði í fjórhjóladrifi og eingöngu í afturhjóladrifi og einnig er hægt að aftengja stöðugleikastýringuna, væntanlega fyrir þá sem vilja nota bílinn til að drifta. Bílinn má bæði fá á 19 og 20 tommu álfelgum. Hann vegur nú 1.855 kíló og hefur farið í 90 kg megrun frá síðustu kynslóð. Sala nýs BMW M5 hefst í þessum mánuði og kostar hann frá 117.900 evrum í Þýskalandi. BMW framleiðir 400 eintök af First Edition útgáfu bílsins og fást þeir meðal annars með möttu lakki.
Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Arnar Þór á leið í nýjan flokk Innlent Mamma bara María þegar mæðgurnar eru saman á vakt Innlent Senda svifsprengjur fyrir F-16 Erlent Diddy á sjálfsmorðsvakt Erlent „Spurðu svo fyrirtækið þitt af hverju það leggur fé í heimsendakölt“ Innlent Anton Sveinn McKee til liðs við Miðflokkinn Innlent Önnur vopnageymsla í ljósum logum í Rússlandi Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent