Pepsi-mörkin: Sprellisending Jónasar Tórs Næs

Eitt fyndnasta atvik fótboltasumarsins kom í leik FH og ÍBV í Kaplakrika í 20. umferð Pepsi-deildar karla í gær.

Undir lok fyrri hálfleiks reyndi Jónas Tór Næs, hægri bakvörður ÍBV, langa sendingu fram völlinn.

Það tókst ekki betur en svo að Jónas hitti ekki boltann og endaði kylliflatur á vellinum.

„Óheppinn. Ég hef samúð með honum,“ sagði Óskar Hrafn Þorvaldsson í Pepsi-mörkunum í gær. Honum fannst þetta ekki jafn fyndið og Herði Magnússyni og Hjörvari Hafliðasyni sem hlógu sig máttlausa.

Atvikið má sjá í spilaranum hér að ofan.