Chevy Blazer snýr aftur árið 2019

Margir muna eftir Chevrolet Blazer jeppanum sem vinsæll var hérlendis á árum áður, en hefur var framleiddur hjá Chevrolet á árunum  1969 til 1999. Chevrolet ætlar að hefja framleiðslu Blazer aftur eftir 20 ára framleiðsluhlé árið 2019. Þar verður þó ekki fullvaxinn jeppi á ferð sem fær verður um að glíma við miklar torfærur því þessi bíll verður hugsaður til að glíma við samkeppnisbílana Nissan Murano og Ford Edge.

Líklega mun nýr Blazer fá sama undirvagn og GMC Acadia og því fellur hann á milli stærðar Equinox og Traverse af Chevrolet bílum. GMC Acadia er næst besti sölubíll GMC á eftir Sierra pallbílnum og því áætlar Chevrolet að nýr Blazer af svipaðri stærð og Acadia muni geta náð fullt eins miklum vinsældum.

Fyrir nostalgíusinnaða bílaáhugamenn, ekki síst aðdáendur jeppa, er því athyglivert að bæði ætlar Ford að framleiða nýjan Bronco og Chevrolet nýjan Blazer. Tími jeppanna í henni Ameríku er greinilega núna og fátt fær stöðvað síaukna sölu þeirra.