Fylkir nartar í hælana á Keflavík

Góð byrjun Framara gegn Fylki í kvöld var ekki undanfari þess sem koma skildi því Fylkir svaraði með fimm mörkum og vann, 1-5, í leik liðanna í Inkasso-deildinni í kvöld.

Hlynur Atli Magnússon kom Fram yfir strax á 5. mínútu en Fylkir skoraði fjögur mörk fyrir hlé.

Albert Brynjar Ingason var í banastuði í kvöld og skoraði þrennu fyrir Fylki. Andri Þór Jónsson og Ásgeir Örn Arnþórsson komust líka á blað.

Fylkir er í öðru sæti deildarinnar með 36 stig en Keflavík er á toppnum með 37. Þróttur er svo í þriðja sæti með 33 stig.