Ada Hegerberg hefur ákveðið að gefa ekki kost á sér í norska landsliðið fyrir undankeppni Heimsmeistaramótsins 2019. Hegerberg var útnefnd besta knattspyrnukona heims tímabilið 2015-16, en hún náði sér ekki á strik með norska liðinu á Evrópumótinu í Hollandi í sumar. Norski miðillinn VG greinir frá.
„Ákvörðunin um að taka mér frí frá landsliðinu var erfið en er rétt að mínu mati. Ég tek ekki þessa ákvörðun bara vegna Evrópumótsins heldur er hún byggð á reynslu minni með landsliðunum í nokkuð langan tíma. Ég ætla að eyða allri orku minni með Lyon þar sem ég get þróað mig sem leikmann,“ segir í yfirlýsingu Hegerberg.
Martin Sjögren, landsliðsþjálfari Noregs, segir ákvörðun Hegerberg hafi komið sér í opna skjöldu og að hann sé mjög vonsvikinn með þessa ákvörðun.
Hegerberg er aðeins 22 ára gömul en á að baki 57 landsleiki fyrir Noreg og 36 mörk.
Lyon
Manchester Utd
