Knattspyrnusamband Íslands er ekki aðeins á skiptast á dómurum við færeyska knattspyrnusambandið heldur einnig við það enska og það danska.
Ensku dómararnir Peter Wright og Martin Coy verða að störfum hér á landi á næstum dögum, en þeir eru hér sem hluti af verkefni knattspyrnusambanda Íslands og Englands um dómaraskipti.
Þeir Wright og Coy munu dæma leiki í Inkasso-deildinni sem og verða aðstoðardómarar á leik í Pepsi-deild karla.
Peter Wright dæmir fyrst leik Hauka og Fram í Inkasso-deildinni í kvöld þar sem Martin Coy verður varadómari.
Peter Wright verður ekki eini erlendi dómarinn í Inkasso-deildinni í þessari umferð því danski dómarinn Jonas Hansen mun dæma leik Þróttar og ÍR annað kvöld.
Annar af aðstoðardómurunum kemur einnig frá Danmörku og heitir Danny Kolding. Þetta er liður í samstarfi knattspyrnusambandanna á Norðurlöndum um dómaraskipti.
Enskir aðstoðardómarar í Pepsi-deild karla
