Fótbolti

Eitt helsta skotmark United keppti í strandblaki | Myndband

Ingvi Þór Sæmundsson skrifar
Perisic hefur leikið með Inter undanfarin tvö ár.
Perisic hefur leikið með Inter undanfarin tvö ár. vísir/getty
Á meðan flestir fótboltamenn flatmaga nú á sólarströnd er Ivan Perisic, leikmaður Inter og króatíska landsliðsins, farinn að keppa í annarri íþrótt.

Perisic þreytti frumraun sína í strandblaki þegar hann keppti fyrir hönd Króatíu á sterku móti í vikunni.

Frumraunin gekk ekki sem skildi en Perisic og félagi hans, Niksa Dell'Orco, töpuðu fyrir brasilísku pari.

„Þetta var alltaf draumurinn. Ég hef spilað strandblak síðan ég var 10 ára gamall. Ég hef mikla ástríðu fyrir þessari íþrótt og hef ég æft mig í sumar,“ sagði hinn 28 ára gamli Perisic.

Óvíst er hvar Króatinn spilar á næsta tímabili en hann hefur verið sterklega orðaður við Manchester United í sumar.

Ítalski boltinn

Tengdar fréttir

Mest lesið


Fleiri fréttir

Sjá meira


×

Mest lesið