Útgáfufélag Fréttatímans, Morgundagur ehf., er komið í gjaldþrotameðferð fyrir Héraðsdómi Reykjavíkur. Enn hefur ekki verið skipaður skiptastjóri.
Kjarninn greinir frá þessu og þar segir að tilraunir til að endurreisa úgáfuna hafi runnið í sandinn. Fréttatíminn hefur ekki komið út síðan í apríl og enn hafa einhverjir fyrrverandi starfsmenn blaðsins ekki fengið borguð laun fyrir marsmánuð.
Eigendur Morgundags eru, samkvæmt vef fjölmiðlanefndar, Gunnar Smári Egilsson sem á 46% hlut, Valdimar Birgisson sem á 25% og Dexter fjárfestingar ehf. í eigu Sigurðs Gísla Pálmasonar á 29%.
Árni Hauksson og Hallbjörn Karlsson seldu 36% hlut sinn í Morgundegi í janúar síðastliðnum en þeir fóru inn í eigendahópinn í nóvember 2015 þegar nýr eigendahópur tók við rekstri Fréttatímans og Gunnar Smári Egilsson tók við ritstjórn ásamt Þóru Tómasdóttur.
Útgáfufélag Fréttatímans í gjaldþrotameðferð
Tengdar fréttir
Upp úr sauð eftir útgáfu Fréttatímans
Svikin loforð um launagreiðslur urðu til þess að upp úr sauð á skrifstofu Fréttatímans þegar blaðið hafði verið sent í prentun. Starfsmenn vita lítið um hvert framhaldið verður.
Útgáfufélag Fréttatímans skuldar Gunnari Smára 40 milljónir króna
Samtals nema skuldir félagsins 200 milljónum króna.
Tíu starfsmenn Fréttatímans hafa ekki fengið útborgað
Fréttatíminn gefur ekki út blað á laugardag. Óljóst er með frekari útgáfu á meðan endurskipulagning á rekstri stendur yfir.
