Stjörnuliðin hafa skorað mest í Pepsi-deildunum í sumar

Aðeins tvö lið hafa náð að komast yfir tíu marka múrinn í fyrstu leikjum Pepsi-deilda karla og kvenna og þau hafa bæði aðsetur á Samsung vellinum í Garðabænum.

Karlalið og kvennalið Stjörnunnar eru nefnilega tvö markahæstu liðin í deildunum nú þegar fjórar umferðar eru búnar hjá konunum og þrjár umferðir búnar hjá körlunum.

Kvennalið Stjörnunnar skoraði þrjú mörk framhjá meistaraefnum Vals í gærkvöldi og hefur þar með skorað 11 mörk í sumar.

Tveimur dögum áður hafði karlalið félagsins einnig skorað þrjú mörk og komist í tíu mörkin en Stjörnustrákarnir skoruðu þau á heimavelli Blika í Kópavoginum.

Karlalið Stjörnunnar hefur skorað tvö mörk eða fleiri í öllum þremur leikjum sínum í sumar en Stjörnuliðið hefur skorað tvö mörk eða fleiri í 3 af 4 leikjum sínum.



Flest mörk í báðum Pepsi-deildunum:

Kvennalið Stjörnunnar 11

Karlalið Stjörnunnar 10

Kvennalið Þór/KA 8

Karlalið KA 7

Karlalið Vals 7

Karlalið FH 7

Kvennalið FH 7

Kvennalið Breiðabliks 6

Kvennalið ÍBV 6

Flest mörk í Pepsi-deild karla eftir 3 umferðir:

Stjarnan    10

KA    7

Valur    7

FH    7

KR    5

Grindavík    5

ÍA    5

Víkingur Ó.    4

Víkingur R.    3

Breiðablik    2

Fjölnir    1

ÍBV    1

Flest mörk í Pepsi-deild kvenna eftir 4 umferðir:

Stjarnan     11

Þór/KA     8

FH     7

Breiðablik     6

ÍBV     6

Valur     5

Grindavík     3

Fylkir     2

Haukar     2

KR     1

Flest mörk hjá félögum sem eiga bæði karla- og kvennalið í Pepsi-deildunum:

Stjarnan 21

KA (og Þór/KA) 15

FH 14

Valur 12

Breiðablik 8

Grindavík 8

ÍBV 7

KR 6