Enski boltinn

Aron Einar leikmaður ársins hjá Cardiff

Ingvi Þór Sæmundsson skrifar
Aron Einar hefur spilað einstaklega vel í vetur.
Aron Einar hefur spilað einstaklega vel í vetur. vísir/getty
Aron Einar Gunnarsson var valinn leikmaður ársins hjá Cardiff City á lokahófi félagsins í kvöld.

Aron Einar var einnig valinn leikmaður ársins hjá leikmönnum liðsins og stuðningsmönnum.

Aron var inn og út úr byrjunarliðinu framan af tímabilinu en eftir að Neil Warnock tók við Cardiff í október hefur landsliðsfyrirliðinn verið fyrsti maður á skýrslu.

Aron Einar hefur spilað 39 af 45 leikjum Cardiff í B-deildinni og skorað þrjú mörk. Cardiff er í 13. sæti deildarinnar.

Aron Einar hefur leikið með Cardiff frá árinu 2011. Hann hefur alls leikið 237 leiki fyrir Cardiff og skorað 23 mörk.

Enski boltinn

Mest lesið


Fleiri fréttir

Sjá meira


×

Mest lesið