FoodCo kaupir Kaffivagninn

Hjónin Guðmundur Viðarsson og Mjöll Daníelsdóttir sem rekið hafa Kaffivagninn úti á Granda síðan haustið 2013 hafa selt reksturinn ásamt fasteigninni til veitingarisans FoodCo hf. Kvennablaðið greindi fyrst frá. Kaupverðið er ekki gefið upp.

Kaffivagninn var stofnaður árið 1935 og stóð þá á Ellingsenplaninu á horni Pósthússtrætis og Tryggvagötu. Var hann yfirbyggður vörubíll með palli.

Yfir 400 starfsmenn starfa hjá fyrirtækinu sem á fyrir veitingastaði American Style, Saffran, Eldsmiðjunnar og Aktu Taktu auk þess að eiga Pítuna og Roadhouse.