Fjórði Daninn til Vals

Bikarmeistarar Vals hafa samið við danska framherjann Nicolas Bøgild um að leika með liðinu í sumar. Þetta kemur fram á bold.dk.

Bøgild, sem er nýorðinn 29 ára, var síðast á mála hjá danska B-deildarliðinu Vendsyssel.

Bøgild hefur glímt við hnémeiðsli að undanförnu en í samtali við bold.dk segist hann hlakka til að byrja spila aftur.

Bøgild skoraði fjögur mörk í 31 deildarleik fyrir Vendsyssell. Hann hefur einnig leikið með Randers og Skive á ferlinum.

Fyrir eru þrír Danir hjá Val; Rasmus Christiansen, Nicolaj Hansen og Nicolaj Köhlert.