Ungur Fjölnismaður til Rauðu stjörnunnar

Djorde Panic, leikmaður Fjölnis, hefur skrifað undir tveggja ára samning við Rauðu Stjörnuna í Belgrad.

Djorde, sem er fæddur árið 1999, hefur alltaf verið í Fjölni og æft með meistaraflokki liðsins að undanförnu.

Djorde er þegar farinn út til Serbíu og hafið æfingar með Rauðu stjörnunni. Fyrst um sinn mun hann spila og æfa með U-19 ára liðinu en forráðamenn Rauðu stjörnunnar binda miklar vonir við Djorde.

Djorde hefur leikið sjö leiki fyrir U-17 ára landslið Íslands.

Rauða Stjarnan er sigusælasta félagið í Serbíu en það hefur 27 sinnum orðið serbneskur meistari.