Armar Vinnulyftur taka við Genie-umboðinu á Íslandi

Armar Vinnulyftur hafa tekið við umboðinu fyrir Genie-lyftur á Íslandi en Genie er annar tveggja stærstu lyftuframleiðenda heims. Armar taka við umboðinu af Heimi og Lárusi sf. en þeir hafa haft umboðið í fjórtán ár. Genie eru traustar vélar sem henta í allan iðnað.

Genie-lyftur fögnuðu 50 ára afmæli sínu á síðasta ári. Fyrirtækið var stofnað í Bandaríkjunum en er starfrækt um allan heim. Merkið er þekkt fyrir traustar vélar sem henta í allan iðnað og hafa reynst sérlega vel við krefjandi aðstæður á Íslandi, þar sem allra veðra er von. Vélarnar henta í stór sem smá verkefni, bæði inni og úti. „Það er í raun sama um hvaða framkvæmd er að ræða. Genie er alltaf með rétta vél í verkið, segir Ævar Þór Ólafsson, umsjónarmaður tækjaleigu.

Armar Vinnulyftur og Heimir og Lárus sf. hafa að sögn Auðuns S. Guðmundssonar, framkvæmdastjóra Arma, átt í nánu og farsælu samstarfi til fjölda ára. „Við fögnum því að hafa náð samningum. Genie hafa verið mest seldu lyftur á Íslandi síðastliðinn áratug og með því að taka við umboðinu aukum við vöruframboð okkar umtalsvert,“ segir Auðunn. „Samstarf fyrirtækjanna hefur verið með eindæmum gott í gegnum tíðina og það gleður okkur að mál skuli hafa þróast þannig að Armar taki við Genie,“ segir Lárus Lárusson, hjá Heimi og Lárusi sf.

Tækjafloti Arma Vinnulyfta er að sögn Auðuns kominn í rúmlega fjögur hundruð tæki og samanstendur af skæralyftum, spjótlyftum, lyfturum, skotbómulyfturum, rafstöðvum og öðrum smærri tækjum sem tengjast byggingariðnaði og öðrum framkvæmdum.

Tækin eru ýmist til sölu eða leigu. „Við erum með ríkulegt úrval af nýjum tækjum til sölu en auk þess erum við með stærsta flota vinnulyfta á Íslandi til leigu,“ segir Auðunn.

Bjarni Þorgilsson, yfirmaður viðgerða og varahluta, segir mikinn metnað lagðan í viðhald og endurnýjun þeirra tækja sem eru til leigu sem tryggi áreiðanlegar vélar í öll verk. „Þá eigum við alla helstu varahluti Genie á lager. Sé hluturinn ekki til hjá okkur erum við auk þess með hraðsendingarþjónustu frá miðlægum lager Genie í Hollandi sem gerir það að verkum að við getum ávallt boðið upp á hraða og örugga viðhaldsþjónustu.“

Að sögn Auðuns hafa Armar Vinnulyftur yfir að ráða reyndu starfsfólki sem hefur mikla þekkingu á öllum gerðum Genie véla. „Það tryggir ekki síður skjóta bilanagreiningu og viðgerðir. Umfram allt leggjum við okkur fram um að veita góða og heiðarlega þjónustu og besta mögulega tækjakost.“

Armar Vinnulyftur eru til húsa að Kaplahrauni 2-4. Allar nánari upplýsingar er að finna á armar.is