Sebastian Loeb í forystu Dakar eftir annan dag

Frakkinn Sebastian Loeb er fyrstur í bílaflokki eftir annan dag Dakar rallsins, en honum lauk rétt áðan. Loeb ekur Peugeot bíl. Vel gengur í upphafi rallsins fyrir Peugeot því Stéphane Peterhansel, sigurvegarinn frá því í fyrra, er í öðru sæti, tveimur mínútum og 23 sekúndum á eftir Leob. Ekur hann einnig fyrir Peugeot.

Toyota er greinilega líka að gera góða hluti í upphafi keppninnar og eiga 5 bíla í 10 efstu sætunum. Í Þriðja sæti er Giniel De Villiers á Toyota Hilux, Mikko Hirvonen á Mini í fjórða sæti, og svo koma þrír Toyota bílar í fimmta, sjötta og sjöunda sæti með ökumönnunum Poulter, Vasilyev og Ten Brinke.

Ciril Depres er áttundi á Peugeot og sá sem leiddi eftir fyrsta dag, Kvatarbúinn Al-Attyiah er níunda á Mini bíl. Í tíunda sætinu er enn einn Toyota bíllinn með Tékkanum Prokop undir stýri. Hann er 5:30 mínútum á eftir Loeb, en Peterhansel er 2:23 mínútum á eftir Loeb og De Villiers 3:01 á eftir Loeb.

Ekki gengur alltof vel hjá Carlos Sainz því hann er í 13. sæti og næstum 11 mínútum á eftir forystusauðnum Loeb.