Brynjar Ásgeir til Grindavíkur

Brynjar Ásgeir Guðmundsson hefur skrifað undir samning við Grindavík. Hann mun því leika með liðinu í Pepsi-deild karla á næsta tímabili.

Brynjar Ásgeir kemur til Grindavíkur frá uppeldisfélaginu FH. Hann er afar fjölhæfur leikmaður og hefur leyst flestar stöður í FH-liðinu undanfarin ár.

Brynjar Ásgeir, sem er 24 ára, hefur alls leikið 47 leiki í efstu deild og skorað fimm mörk. Þá lék hann með öllum yngri landsliðinu Íslands á sínum tíma.

Grindavík endaði í 2. sæti Inkassodeildarinnar í sumar og vann sér sæti í Pepsi-deildinni eftir fjögurra ára fjarveru.