Kjarasamningar foreldra Hildur Björnsdóttir skrifar 21. október 2016 07:00 Í júlímánuði tók ég við nýju starfi. Ég tilheyri nú tiltekinni starfsstétt og laun mín taka mið af kjarasamningum. Laun fólks í minni stöðu voru á dögunum hækkuð um 35%. En ekki mín laun. Nei. Launahækkunin nær eingöngu til þeirra sem hefja störf eftir gildistöku samninganna. Ég er í fæðingarorlofi. Starf mitt er að annast nýfædda dóttur mína. Launin eru orlofsgreiðslur. Kjarasamningarnir eru nýjar reglur um hámarksgreiðslur úr fæðingarorlofssjóði. Hugsið ykkur aðra kjarasamninga – ef hið sama kæmi upp hjá hjúkrunarfræðingum. Eða kennurum. Að eingöngu nýliðar fengju hækkanir. Það myndu allir sjá óréttlætið. Einhverjir hafa fært fyrir því rök að með reglunum sé ungbörnum mismunað. Þannig fái börn fædd fyrir gildistöku reglnanna ekki sama rétt og börn fædd stuttu síðar - rétt til að njóta foreldra sinna fyrstu mánuði ævinnar. Þeim feðrum sem nýta rétt sinn til töku fæðingarorlofs fer fækkandi. Það kemur kannski ekki á óvart þegar launamunur kynjanna er enn talsverður. Það er verra að sjá af karlalaunum en kvennalaunum. Hækkun á hámarksgreiðslum úr fæðingarorlofssjóði er jákvætt skref í baráttunni fyrir jafnrétti kynjanna. Með breytingunni má vona að fleiri fjölskyldur sjái hag í því að feður taki orlof með nýfæddum börnum sínum, enda hafi það ekki jafn neikvæðar fjárhagslegar afleiðingar og áður. Það er þó fráleitt að breytingin taki ekki einnig mið af foreldrum sem enn eiga inni orlof vegna ungbarna fæddra stuttu fyrir gildistökuna. Slíkt myndi aldrei líðast um kjarasamninga annarra starfsstétta. Þessu þarf að breyta.Þessi grein birtist fyrst í Fréttablaðinu. Viltu birta grein á Vísi? Sendu okkur póst. Senda grein Hildur Björnsdóttir Mest lesið Magnús Karl er hæfastur rektorsframbjóðenda Ástráður Eysteinsson Skoðun Allt fyrir samansúrrað pólitískt og peningalegt vald? Arnar Þór Jónsson Skoðun Kjósum opnara grunnnám Toby Erik Wikström Skoðun Háskólasamfélag á tímamótum - Silja Bára sem næsti rektor HÍ Berglind Rós Magnúsdóttir Skoðun Hvers vegna styð ég Magnús Karl í kjöri til rektors Háskóla Íslands? Ingileif Jónsdóttir Skoðun Betri starfsaðstæður og skilvirkari háskóli Silja Bára Ómarsdóttir Skoðun Vopnakaup íslenska ráðamanna Friðrik Erlingsson Skoðun Hver reif kjaft við hvern? Gunnar Hólmsteinn Ársælsson Skoðun Alþjóðlegt samstarf er forsenda öruggra landamæra Jón Pétur Jónsson,Íris Björg Kristjánsdóttir Skoðun Við mótmælum nýbyggingum í Neðra Breiðholtinu Jökull Þór Sveinsson,Hlynur Ingi Jóhannsson Skoðun
Í júlímánuði tók ég við nýju starfi. Ég tilheyri nú tiltekinni starfsstétt og laun mín taka mið af kjarasamningum. Laun fólks í minni stöðu voru á dögunum hækkuð um 35%. En ekki mín laun. Nei. Launahækkunin nær eingöngu til þeirra sem hefja störf eftir gildistöku samninganna. Ég er í fæðingarorlofi. Starf mitt er að annast nýfædda dóttur mína. Launin eru orlofsgreiðslur. Kjarasamningarnir eru nýjar reglur um hámarksgreiðslur úr fæðingarorlofssjóði. Hugsið ykkur aðra kjarasamninga – ef hið sama kæmi upp hjá hjúkrunarfræðingum. Eða kennurum. Að eingöngu nýliðar fengju hækkanir. Það myndu allir sjá óréttlætið. Einhverjir hafa fært fyrir því rök að með reglunum sé ungbörnum mismunað. Þannig fái börn fædd fyrir gildistöku reglnanna ekki sama rétt og börn fædd stuttu síðar - rétt til að njóta foreldra sinna fyrstu mánuði ævinnar. Þeim feðrum sem nýta rétt sinn til töku fæðingarorlofs fer fækkandi. Það kemur kannski ekki á óvart þegar launamunur kynjanna er enn talsverður. Það er verra að sjá af karlalaunum en kvennalaunum. Hækkun á hámarksgreiðslum úr fæðingarorlofssjóði er jákvætt skref í baráttunni fyrir jafnrétti kynjanna. Með breytingunni má vona að fleiri fjölskyldur sjái hag í því að feður taki orlof með nýfæddum börnum sínum, enda hafi það ekki jafn neikvæðar fjárhagslegar afleiðingar og áður. Það er þó fráleitt að breytingin taki ekki einnig mið af foreldrum sem enn eiga inni orlof vegna ungbarna fæddra stuttu fyrir gildistökuna. Slíkt myndi aldrei líðast um kjarasamninga annarra starfsstétta. Þessu þarf að breyta.Þessi grein birtist fyrst í Fréttablaðinu.
Alþjóðlegt samstarf er forsenda öruggra landamæra Jón Pétur Jónsson,Íris Björg Kristjánsdóttir Skoðun
Alþjóðlegt samstarf er forsenda öruggra landamæra Jón Pétur Jónsson,Íris Björg Kristjánsdóttir Skoðun