Telma Hjaltalín Þrastardóttir er gengin í raðir Stjörnunnar í Pepsi-deild kvenna frá Breiðabliki en þetta kemur fram á heimasíðu Garðabæjarliðsins.
Telma gerði þriggja ára samning við Stjörnuna sem hafði betur gegn Breiðabliki í baráttunni um Íslandsmeistaratitilinn á síðustu leiktíð.
Þessi 21 árs gamli framherji er uppalinn hjá Aftureldingu en hún gekk í raðir Breiðabliks fyrir þremur árum. Hún skoraði þrettán mörk í 17 leikjum fyrir Blika í fyrra en var ekkert með í sumar vegna meiðsla.
Telma á einn U23 ára landsleik að baki fyrir Ísland en auk þess á hún að baki 48 leiki fyrir U17 og U19 ára landslið Íslands.
Telma samdi við meistarana
