Kristinn Freyr Sigurðsson, leikmaður Vals, var valinn besti leikmaður Pepsi-deildar karla af leikmönnum deildarinnar. Þetta var tilkynnt eftir lokaumferðina í deildinni í dag.
Kristinn Freyr skoraði þrettán mörk fyrir Val sem hafnaði í fimmta sæti deildarinnar en tryggði sér bikarmeistaratitilinn.
Hann var nánast óstöðvandi þegar Val gekk sem best um mitt tímabil en það dró af honum eins og öðrum leikmönnum Vals á lokaspretti tímabilsins.
Óttar Magnús Karlsson, leikmaður Víkings, átti gott sumar með sínu liði og var valinn efnilegasti leikmaður deildarinnar.
Hann kom aftur til uppeldisfélagsins frá Ajax í Hollandi í vetur en þessi 21 árs kappi skoraði alls níu mörk í sumar, þar af sjö í Pepsi-deild karla.
Kristinn bestur og Óttar efnilegastur
Tengdar fréttir
Svona var lokaumferðin í Pepsi-deild karla
Stjarnan og KR tryggðu sér þátttökurétt í Evrópukeppni en Fylkir féll eftir sextán ára veru í efstu deild.
Gunnar Jarl besti dómarinn
Var valinn besti dómari Pepsi-deildar karla af leikmönnum deildarinnar.
Garðar fékk gullskóinn
Hvorki hann né Kristinn Freyr Sigurðsson skoruðu fyrir lið sín í dag. Hrvoje Tokic skaust upp í þriðja sæti markalistans.
