Svona var lokaþáttur Pepsi-markanna

Vísir var með beina útsendingu frá tvöföldum lokaþætti Pepsi-markanna í gærkvöldi en þátturinn var í opinni dagskrá á Stöð 2 Sport.

Þar gerði Hörður Magnússon upp lokaumferð deildarinnar sem fram fór í gær sem og tímabilið allt. Sérfræðingar þáttarins verða Logi Ólafsson og Hjörtur Hjartarson.

Að venju verður mikið um að vera í lokaþættinum. Besti leikmaður deildarinnar að mati þáttarins sem og þjálfari ársins komu í heimsókn og þá var fjöldi verðlauna veitt.

Lið ársins, besti dómarinn, bestu stuðningsmennirnir, bjartasta vonin, flottasta markið og margt fleira var skoðað. Þá voru hressilegustu ummælin rifjuð upp, umdeildu atvikin, bestu klobbarnir og besta dýfan valin og þannig mætti lengi telja.

Þetta má allt saman sjá í spilaranum hér fyrir neðan.