Auðvelt hjá Englandi | Sjáðu mörkin

Enska landsliðið í fótbolta átti ekki í neinum vandræðum með að leggja Möltu 2-0 að velli í undankeppni Heimsmeistarakeppninnar í fótbolta í Rússlandi 2018.

Gareth Southgate stýrði enska liðinu í fyrsta sinn og þó sigurinn hafi ekki verið eins stór og yfirburðir Englendinga í leiknum gáfu til kynna lenti England aldrei í vandræðum í leiknum.

Daniel Sturridge skallaði fyrirgjöf Jordan Henderson í netið á 29. mínútu og níu mínútum síðar skoraði Delle Alli, aftur eftir undirbúning Henderson.

England er með fullt hús stiga eftir tvo fyrstu leiki sína í undankeppninni en Matla er án stiga.