Bílablaðamaður Autocar að aka hringinn á Mazda MX-5 núna

Á vefsíðu Autocar má nú sjá ferðasögu blaðamanns sem er núna að aka hringinn í kringum Ísland á litla sportbílnum Mazda MX-5. Á skrifum hans sést að hann vill engan veginn setja upp blæju bílsins þó kalt sé. Ástæða þess er svo hann missi ekki af neinu af fegurð landsins og hann virðist í heild uppnuminn af því sem hann hefur þegar séð.

Meiningin er að fara hringinn á um 40 klukkustundum og á hverjum klukkutíma berast færslur frá honum á vef Autocar. Af myndum af dæma sem teknar voru við upphaf ferðar virðist sem um marga Mazda MX-5 bíla sé að ræða í ferðinni, sem og fleiri Mazda bíla annarra gerða. Því gæti hér allt eins verið um að ræða skipulagða ferð Mazda með bílablaðamenn víðs vegar að.