Inter fyrst til að vinna Juventus í vetur

Internazionale lagði Juventus 2-1 í ítölsku úrvalsdeildinni í fótbolta í dag á heimavelli.

Eftir markalausan fyrri hálfleik komst Juventus yfir á 66. mínútu með marki Stephan Lichtsteiner.

Juventus hafði unnið þrjá fyrstu leiki sína í deildinni en tvö mörk á tíu mínútum tryggði Inter sigur.

Mauro Icardi skoraði á 68. mínútu og Ivan Perisic á þeirri 78. og tryggðu Inter mikilvægan sigur því Inter hafði ekki farið vel af stað og var aðeins með einn sigur í þremur fyrstu leikjum sínum.

Juventus er í öðru sæti deildarinnar með níu stig en Inter er í sjötta sæti með 7 stig.