Renault Clio sigraði í sparaksturskeppni FÍB

Renault Clio, fimm manna fólksbíll með 1,5 l dísilvél sigraði í sparaksturskeppni FÍB og Atlantsolíu í lok síðasta mánaðar. Bíllinn, sem Sigurður Stefánsson, sölumaður hjá BL ók 380 km leið norður til Akureyrar eyddi aðeins 4,03 lítrum á hverja 100 km og kostaði ferðalagið því aðeins 2.740 krónur.

Fleiri bílar frá BL stóðu sig vel. Þannig varð BMW X1, sem Knútur Steinn Kárason vörustjóri hjá BL ók, í öðru sæti í sínum flokki (4D) með eyðslu sem nam 4,96 lítrum á hundraði og Subaru Outback með Skúla K. Skúlason, framkvæmdastjóra sölusviðs BL, undir stýri í því þriðja með 5,67 lítra eyðslu norður yfir heiðar.

Í flokki 5D röðuðu Hyundai Santa Fe og Nissan Navara sér í 1. og 2. sæti, þar sem Santa Fe með Ragnar Stein Sigþórsson hjá Hyundai í Garðabæ við stjórvölinn, eyddi 7,1 lítra á hundraði, og Navara með Hörð Harðarson sölustjóra undir stýri fór með 7,6 lítra á hverja 100 km, nokkru minna en Toyota Hilux.

Í nokkrum flokkum keppti aðeins einn bíll í hverjum, þar á meðal í 1D þar sem Hyundai i20 keppti. Var hann því sjálfskjörinn sigurvegari í sínum flokki.