FH vann 3-2 sigur á Stjörnunni í síðustu umferð Pepsi-deildar karla og er með sjö stiga forystu á toppnum þegar sex umferðir eru eftir.
Góð staða liðsins var vitanlega rædd í Pepsi-mörkunum á Stöð 2 Sport en Hörður Magnússon benti á að FH ætti enn eftir að spila við sterk lið, eins og Breiðablik og Val
Hjörtur Hjartarson sagði þó að það myndi koma honum verulega á óvart ef FH-ingar myndu gefa frá sér toppsætið úr þessu.
„FH líður vel á toppnum og kunna að sigla svona sigrum í höfn. Það væri rosalega ólíkt Heimi Guðjónssyni og liði FH að glutra niður forystunni úr þessu,“ sagði Hjörtur í Pepsi-mörkunum á Stöð 2 Sport.
Hörður spurði þá hvort að Heimir hefði þá ekki alveg eins getað sagt að titillinn væri í höfn.
„Þá hefði nú þurft að sturta vel í foringjann til að fá þau svör,“ sagði Logi þá.
Pepsi-mörkin: FH klárar svona mót
Tengdar fréttir
Doumbia fékk sigurmarkið skráð á sig | Sjáðu markið
Sagði sjálfur í viðtölum eftir leik að markið hefði verið sjálfsmark.
Umfjöllun, viðtöl, einkunnir og myndir: FH - Stjarnan 3-2 | FH með pálmann í höndunum
FH er komið með sjö stiga forskot á toppi Pepsi-deildar karla eftir risastóran sigur á Stjörnunni í kvöld.
Uppbótartíminn: Er nánast allt klappað og klárt?
Vísir fer yfir sextándu umferð Pepsi-deildar karla í máli, myndum og myndböndum.
Heimir: Ekkert í húsi meðan svona mikið er eftir
FH nældi sér í öruggt forskot á toppi Pepsi-deildar karla í kvöld með góðum sigri á Stjörnunni.
