Svissneski tennisleikarinn Roger Federer er enn einn sá besti í heiminum í dag þó svo hann hafi verið lengi að. Honum er greinilega fleira til lista lagt en leika frábæran tennis. Hér sést hann í bráðskemmtilegu kynningarmyndbandi sem vitnar í fortíðina.
Federer ferðast þarna einmitt um hin ýmsu tískuskeið síðustu og þessarar aldar og gerir það með stæl. Hann leikur þar tennisgoðsagnirnar Rod Laver, John McEnroe, Andre Agassi og Björn Borg og svo á endanum sjálfan sig.
Kynningarmyndbandið er gert vegna tilkomu nýrrar kynslóðar Mercedes Benz SL sportbílsins og í því er lögð áhersla á að bæði bíllinn og Federer eru tímalausar gosagnir. Mercedes Benz SL af nýjustu kynslóð má nú fá í 367 til 630 hestafla útgáfum og sú aflmesta að sjálfsögðu frá AMG deild Mercedes Benz.
