Grindavík missti af stigum á Selfossi

Keflavík er ekki búið að gefast upp í baráttunni um sæti í Pepsi-deildinni að ári. Keflavík vann í kvöld á meðan Grindavík missti af stigum á Selfossi.

Grindavík er þó með 38 stig á toppnum eftir 18 leiki en Keflavík er í þriðja sæti með 29. Það þarf því mikið að gerast svo Grindavík og KA fari ekki upp en KA er með 36 stig og á leik til góða.

Leiknir nældi svo í góð stig er það vann sigur á Fram með marki frá Sindra Björnssyni undir lok leiksins.

Úrslit:

Leiknir R.-Fram  2-1

Ólafur Hrannar Kristjánsson, Sindri Björnsson - Orri Gunnarsson.

Selfoss-Grindavík  1-1

Ivan Gutierrez, víti - Alexander Veigar Þórarinsson.

Keflavík-Haukar  1-0

Frans Elvarsson.

Upplýsingar um markaskorara, fotbolti.net.

Staðan í Inkasso-deildinni.