Fótbolti

Juventus fær varnarmann frá Bayern

Ingvi Þór Sæmundsson skrifar
Benatia varð tvívegis þýskur meistari með Bayern München.
Benatia varð tvívegis þýskur meistari með Bayern München. vísir/getty
Marokkóski varnarmaðurinn Mehdi Benatia er genginn til liðs við Juventus frá Bayern München.

Um er að ræða eins árs lánssamning en þegar honum lýkur á Juventus möguleika á að kaupa Benatia fyrir rúmar 14 milljónir punda.

Bayern keypti Benatia frá Roma fyrir tveimur árum en hann lék 46 leiki fyrir þýska stórliðinu.

Benatia var ekki fastamaður í liði Bayern og ljóst var að tækifærum hans myndi ekki fjölga eftir komu Mats Hummels frá Borussia Dortmund.

Juventus hefur orðið ítalskur meistari undanfarin fimm ár.

Ítalski boltinn

Mest lesið


Fleiri fréttir

Sjá meira


×

Mest lesið