Fótbolti

Dani Alves orðinn leikmaður Juventus

Ingvi Þór Sæmundsson skrifar
Alves var tekið fagnandi í Tórínó.
Alves var tekið fagnandi í Tórínó. vísir/epa
Dani Alves er genginn í raðir ítalska stórliðsins Juventus frá Barcelona.

Þessi 33 ára gamli brasilíski bakvörður skrifaði undir tveggja ára samning við Juventus með möguleika á árs framlengingu.

Alves lék með Barcelona í átta ár og vann allt sem hægt er að vinna með Katalóníuliðinu, þ.á.m. spænska meistaratitilinn sex sinnum og Meistaradeild Evrópu í þrígang.

Juventus hefur orðið ítalskur meistari undanfarin fimm ár auk þess sem liðið varð bikarmeistari á síðasta og þarsíðasta tímabili.

Gamla frúin ætlar ekkert að gefa eftir en Juventus er einnig búið að kaupa bosníska miðjumanninn Miralem Pjanic frá Roma.

Ítalski boltinn

Mest lesið


Fleiri fréttir

Sjá meira


×

Mest lesið