Norðurá opnar á morgun

Norðurá opnar í fyrramálið og það er óhætt að segja að það sé mikil spenna í loftinu enda fyrstu laxarnir þegar búnir að sýna sig í ánni.

Það verða stórsöngvararnir Kristján Jóhannsson og Kristinn Sigmundssson sem opna ánna þetta árið en síðan Einar Sigfússon tók við ánni hefur það orðið að skemmtilegri hefð að þekktir Íslendingar taki þar fyrstu köstin.  Veiðin í Norðurá var eins og annars staðar mjög góð í fyrrasumar en þá veiddust 2886 laxar í ánni sem þó fór vel af stað eftir kalt vor.  Það er mikill munur á aðstæðum núna og það verður fróðlegt að sjá hvernig veiðin verður fyrsta daginn þar sem það spáir björtum og hlýjum degi á morgun.  

Lax hefur sést á nokkrum stöðum í Norðurá t.d. í Stekk, Laxfossi, Brotinu, Eyrinni og Hvarahyl svo það gæti verið nokkuð af laxi þegar gegnin í ánna.  Við verðum vonandi með fyrstu tölur úr Norðurá fyrir hádegi á morgun