Stefnir í góðan vatnsbúskap í laxveiðiánum í sumar

Það eru þrjár breytur sem hafa allt að segja um hvort veiðin verði góð í laxveiðiánum í sumar.

Fyrst ber auðvitað að telja endurheimtur laxa sem eru að snýa aftur aftir ársdvöl í sjó.  Seiðabúskapur, þar sem hann er mældur, var mjög góður í fyrra og seiðin í góðu ásigkomulagi á leið sinni til sjávar.  Önnur breytan er síðan hvernig sjórinn tekur við laxaseiðunum og hvernig þau pluma sig í fæðuleit.  Þetta er ákveðinn óvissuþáttur en ástandið í sjónum virðist þó vera betra núna en síðasta vetur sem þó skilaði af sér feyknagóðu sumri.  Þriðja breytan er síðan vatnsstaðan í ánum.  Þú getur verið á besta tíma í ánni þinni með alla hylji fulla af fiski en það það er lítið vatn gerist oft ekki neitt.  Laxinn bara tekur ekki flugurnar.

Núna er ennþá mikill snjór í fjöllum og ekki nein áberandi stórhlýindi framundan svo það er ekki byrjuð nein meiriháttar snjóbráð ennþá og þeim mun lengur sem þessir skaflar lifa þeim mun betri skilyrði verða í sumar.  Síðasta sumar var nefnilega ansi þurrt til að mynda á vesturlandi þar sem varla ringdi í 6 vikur en árnar fóru þó sjaldan í mjög vont vatn og var því að þakka mikill snjór í fyrravetur og köldu voru sem tafði bráðnum.  Fyrstu árnar opna núna eftir þrjár vikur og það er ekki laust við að það sé spenna í loftinu.