Klose kom Lazio á bragðið

Lazio vann 2-0 sigur á Inter í síðasta leik dagsins í ítölsku úrvalsdeildinni í fótbolta.

Inter á ekki lengur möguleika á að ná Meistaradeildarsæti en liðið er þó öruggt með sæti í Evrópudeildinni að ári.

Lazio, sem er í 8. sæti deildarinnar, komst yfir á 8. mínútu þegar þýska markamaskínan Miroslav Klose skoraði laglegt mark.

Þegar sjö mínútur voru til leiksloka fékk Lazio svo vítaspyrnu eftir að Jeison Murillo, varnarmaður Inter, braut af sér innan vítateigs.

Murillo fauk af velli en Antonio Candreva fór á punktinn og skoraði annað mark Rómarliðsins. Lokatölur 2-0, Lazio í vil.