Missir þú sjónar á Gigi Hadid?

BMW er að setja M2 sportbíl sinn á markað og hefur í því tilefni sent frá sér þessa stiklu sem skartar þokkadísinni Gigi Hadid. Í henni eru áhorfendur hvattir til að fylgjast með för hennar út auglýsinguna og þeim sem ekki tekst að finna út úr því hvar hún er í enda hennar eru líklega of uppteknir við að horfa á BMW M2 glæsikerrurnar.

Í stiklunni stígur Gigi Hadid uppí einn af þessum fimm M2 bílum og ekur af stað ásamt hinum fjórum. Eftir heilmikinn akstur bílanna á akstursbraut eiga áhorfendur síðan að finna útúr í hverjum þeirra Gigi Hadid er enn undir stýri.

Þetta getur reynst erfitt og aðeins hægt að prófa með því að horfa á myndskeiðið hér að ofan. Leikstjóri Quantum of Solace, Marc Forster og kvikmyndatökumaður Avatar, Mauro Fiore unnu að gerð þessarar stiklu, enda vandað til verks hér.