Ræninginn bað Insigne um að tileinka sér næsta mark

Lorenzo Insigne, leikmaður Napólí á Ítalíu, var fórnarlamb vopnaðs ráns á laugardaginn þegar hann var að keyra í rólegheitum um borgina. Frá þessu greina ítalskir fjölmiðlar í dag.

Insigne var í bíltúr með eiginkonu sinni og tveimur vinum seint á laugardagskvöldið þegar hann þurfti að stöðva á rauðu ljósi.

Vopnaður ræningi á mótorhjóli stöðvaði við hlið bílsins, dró upp skambyssu og neyddi Insigne og farþega bílsins til að afhenda öll verðmæli.

Þessi grípuklæddi glæpamaður slapp með rólex úr, skartgripi og 140.000 krónur í reiðufé.

Áður en hann keyrði í burtu bað ræninginn Insigne, ellefu marka mann í Seríu A, um að tileinka sér næsta mark. Líklegt.

Insigne, sem er fæddur og uppalinn í Napólí, átti leik í gærkvöldi gegn Fiorentina þar sem honum mistókst að tryggja sínum mönnum sigurinn úr dauðafæri á lokasekúndum leiksins.