Framsækið og lausna­miðað fasteigna­félag

KYNNING - Reginn hf. er fasteignafélag sem fjárfestir í, leigir út og annast rekstur á atvinnuhúsnæði ásamt því að vera fyrsta fasteignafélagið sem skráð var á markað í Kauphöllinni.

Eignasafn félagsins telur í dag  um 280.000 fermetra og fer ört stækkandi m.a. með nýjustu kaupum félagsins, en að þeim loknum mun eignasafn félagsins fara í 320.000 fermetra. Alls á félagið nú um 110 fasteignir sem eru nánast allar í útleigu.

„Við hjá Regin leggjum mikið upp úr því að veita viðskiptavinum okkar sem besta þjónustu ásamt því að koma með lausnir sem hentað geta hverjum og einum. Með þessi gildi að leiðarljósi höfum við náð frábærum árangri með eignasafn okkar, en í dag er útleiguhlutfall félagsins um 97% sem er gríðar­lega gott og með því besta ef við horfum til sambærilegra félaga heima og erlendis.

Eignasafnið er fjölbreytt, af öllum stærðum og gerðum, og náum við því að sinna mjög breiðum hópi viðskiptavina, allt frá einyrkjum til mörg hundruð manna fyrirtækja,“ útskýrir Rúnar H. Bridde, sviðsstjóri útleigu­sviðs.

„Okkar aðalmarkaðssvæði er höfuð­borgarsvæðið en einnig eigum við eignir á landsbyggðinni, þá aðallega á Akureyri og aðrar minni eignir víðar um landið.

Við höfum náð að svara eftirspurn markaðarins ágætlega og brugðist við þeirri þörf sem við finnum fyrir. Við stækkun á eignasafni okkar undanfarið höfum við horft til þess að svara aukinni eftir­spurn, þá sérstaklega hvað varðar iðnaðarhúsnæði, en eftirspurn í þeim flokki hefur aukist mikið upp á síðkastið. Sem dæmi, þá keyptum við fasteignasafn síðastliðið sumar, alls um 62.000 m2, og voru um 50% af því safni óútleigð.

Í dag eru þessar eignir komnar að mestu í útleigu og hlutfallið nær 90% og hækkar hratt. Einnig finnum við fyrir aukinni eftirspurn eftir skrifstofuhúsnæði sem er mjög jákvætt. Seinasta ár var frábært hjá Regin, en alls voru endurnýjaðir eða gerðir nýir leigusamningar fyrir yfir 35.000 m2 sem er talsvert mikil aukning frá fyrra ári,“ útskýrir Rúnar.

Sveigjanleiki

„Mikið öryggi og sveigjanleiki felst í því fyrir leigutaka að eiga viðskipti við traust og öflugt fasteignafélag eins og okkur, með stóru og fjölbreyttu eignsafni getum við unnið með leigutökum til framtíðar og mætt þeirra þörfum. 

Það er ekki óalgengt að sú staða komi upp hjá viðskiptavinum okkar að þeir þurfi t.d. að stækka við sig, eða jafnvel minnka húsnæðið, og þá finnum við lausn í sameiningu og getum þá komið til móts við þær þarfir með tilfærslu innan okkar eignasafns. Hver samningur er síðan sniðinn að hverjum leigutaka fyrir sig.“

Langtímaleiga og samkeppnishæft verð

„Í langflestum tilfellum erum við að gera langtímaleigusamninga við viðskiptavini okkar og tryggja þar með rekstraröryggi fyrirtækja. Algengur tími er 3 til 5 ár og alveg upp í 10 ár en líka eru dæmi um enn lengri samninga, jafnvel til 25 ára,“ segir Rúnar.

„Við erum að bjóða samkeppnishæft leiguverð á markaðnum sem sýnir sig best í þeim árangri sem við höfum náð ásamt þeirri þjónustu, aðferðafræði og lausnum sem Reginn býður upp á. Sem dæmi þá höfum við náð til okkar fjórum seinustu ríkissamningum eftir að fram hafa farið útboð eða verðkannanir á vegum ríkisins. Það sýnir einfaldlega að við séum að bjóða góðar lausnir á réttu verði.“

Hröð og góð þjónusta

„Til að auka enn frekar þjónustuna og skerpa fókus á útleigumálin hjá okkur, þá verður til nýtt svið innan Regins nú um mánaðamótin. Hlutverk okkar sem störfum á þessu sviði er að hafa nákvæma yfirsýn yfir stöðu leigumála hverju sinni, gera og viðhalda útleiguáætlun fyrir félagið, framkvæma nauðsynlegar markaðsgreiningar og kynningar auk þess að annast útleigu á lausum rýmum,“ segir Rúnar.