Nýr Opel GT í Genf í mars

Á komandi bílasýningu í Genf í mars ætlar Opel að sýna nýja gerð hins goðsagnarkennda Ople GT bíls. Opel GT var framleiddur á seinni hluta sjönda áratugarins og snemma á þeim áttunda. Þar fór teggja sæta sportbíll með vélina framí og afturhjóladrif.

Þessi bíll þróaðist út frá Opel Kadett B en með aðra yfirbyggingu sem mynnti á Chevrolet Corvettu þess tíma og var einskonar evrópskt svar við þeim ágæta sportbíl. Vélin var þó ekki í sama stærðarflokki, eða fjögurra strokka vél í stað stórrar áttu.

Opel hefur ekki boðið “Halo”-bíl eins og slíkir bílar eru stundum nefndir í æði langan tíma en vonir um slíkt fóru þó á flug þegar Opel sýndi Monza concept bíl á Frankfürt bílasýningunni fyrir tveimur árum, en nú virðist sem meiri alvara sé að færast í leikinn.

Vonandi verður þar á ferð verðugur arftaki Opel GT bílsins, sem elskaður var af svo mörgum á sínum tíma. Opel hefur ekki enn látið uppi hvaða vélbúnaður verður í nýjum GT eða hvenær hann gæti komið á markað.