Að svindla á prófi Kolbeinn Tumi Daðason skrifar 15. maí 2015 14:30 Nemendur í útskriftarárgangi menntaskóla í borginni liggja sumir hverjir undir feldi. Greint var frá því í vikunni að níu þeirra hefðu verið staðnir að verki við svindl á stúdentsprófinu í þýsku. Flestir eru víst „fyrirmyndarnemendur“ en ekki á barmi falls. Níumenningarnir fá ekki að útskrifast með samnemendum sínum en þeim stendur þó til boða að ljúka námi á næstu vikum gangi þeir að tilboði skólastjóra. Þvílík óheppni að vera böstaður á stúdentsprófinu korteri fyrir útskrift. Hverjar eru líkurnar? Líkurnar eru reyndar ágætar ef yfirsetumaðurinn tekur hlutverk sitt alvarlega. Það hefur hins vegar aldrei verið tilfellið í neinu prófi sem ég hef þreytt. Skipta prófin fleiri hundruðum. Blíðu gömlu yfirsetukonurnar í HÍ voru ekki líklegar til að standa górillu með talstöð að verki. Fastlega má gera ráð fyrir að nemandi sem er staðinn að verki í stúdentsprófi hafi svindlað áður, og örugglega oftar en einu sinni. Ef þú hefur aldrei svindlað á prófi, ert heiðarleikinn uppmálaður, myndirðu taka áhættuna á stúdentsprófinu? Ég leyfi mér að stórefast um það. Sjaldan hefur mér blöskrað jafnmikið og að loknu skyndiprófi í meistaranáminu í burðarþolsfræði. Nemendur standa á fætur og ganga með úrlausn sína í átt til kennarans. Samnemandi spyr mig hvernig ég hafi leyst spurningu sem líklega gilti 2%. Ég svaraði án þess að hugsa enda öllum ljóst að prófinu væri lokið. „Já!“ sagði viðkomandi, settist niður aftur og breytti svarinu. Hann lét sem hann heyrði ekki athugasemdir mínar. Ég svekkti mig lengi, velti því fyrir mér að fara á fund prófessorsins og var rétt að jafna mig í jólaprófunum. Heimapróf, sólarhringur og öll gögn leyfð. Eina skilyrðið var engin samvinna. Þegar sami nemandi hringdi í mig til að fá svörin við „bara einni spurningu“, og var svo yfir sig hneykslaður á því að ég vildi ekki hjálpa honum, var mér öllum lokið. Ætli þetta hafi verið einu skiptin sem hann, nú reyndur byggingaverkfræðingur, svindlaði? Ekki séns. Viltu birta grein á Vísi? Sendu okkur póst. Senda grein Kolbeinn Tumi Daðason Mest lesið Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun Bílahús í Reykjavíkurborg – aðgengi, lög og ójöfnuður Alma Ýr Ingólfsdóttir,Vilhjálmur Hjálmarsson,Bergur Þorri Benjamínsson,Sigurður Ágúst Sigurðsson Skoðun Stækkun Þjóðleikhússins er löngu tímabær Lilja Björk Haraldsdóttir Skoðun Hugleiðing við starfslok kennara í Reykjavík Elín Guðfinna Thorarensen Skoðun Fyrsti 1001 dagurinn: Ungbörn geta ekki beðið! Anna María Jónsdóttir Skoðun Draugagangur í Alaska Hannes Pétursson Skoðun Þjóð gegn þjóðarmorði Finnbjörn A. Hermannsson,Guðrún Margrét Guðmundsdóttir Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Sporin þín Valtýr Soffía Sigurðardóttir Skoðun Hver er kjarninn í samfélagi sem selur hjarta sitt? Trausti Breiðfjörð Magnússon Skoðun
Nemendur í útskriftarárgangi menntaskóla í borginni liggja sumir hverjir undir feldi. Greint var frá því í vikunni að níu þeirra hefðu verið staðnir að verki við svindl á stúdentsprófinu í þýsku. Flestir eru víst „fyrirmyndarnemendur“ en ekki á barmi falls. Níumenningarnir fá ekki að útskrifast með samnemendum sínum en þeim stendur þó til boða að ljúka námi á næstu vikum gangi þeir að tilboði skólastjóra. Þvílík óheppni að vera böstaður á stúdentsprófinu korteri fyrir útskrift. Hverjar eru líkurnar? Líkurnar eru reyndar ágætar ef yfirsetumaðurinn tekur hlutverk sitt alvarlega. Það hefur hins vegar aldrei verið tilfellið í neinu prófi sem ég hef þreytt. Skipta prófin fleiri hundruðum. Blíðu gömlu yfirsetukonurnar í HÍ voru ekki líklegar til að standa górillu með talstöð að verki. Fastlega má gera ráð fyrir að nemandi sem er staðinn að verki í stúdentsprófi hafi svindlað áður, og örugglega oftar en einu sinni. Ef þú hefur aldrei svindlað á prófi, ert heiðarleikinn uppmálaður, myndirðu taka áhættuna á stúdentsprófinu? Ég leyfi mér að stórefast um það. Sjaldan hefur mér blöskrað jafnmikið og að loknu skyndiprófi í meistaranáminu í burðarþolsfræði. Nemendur standa á fætur og ganga með úrlausn sína í átt til kennarans. Samnemandi spyr mig hvernig ég hafi leyst spurningu sem líklega gilti 2%. Ég svaraði án þess að hugsa enda öllum ljóst að prófinu væri lokið. „Já!“ sagði viðkomandi, settist niður aftur og breytti svarinu. Hann lét sem hann heyrði ekki athugasemdir mínar. Ég svekkti mig lengi, velti því fyrir mér að fara á fund prófessorsins og var rétt að jafna mig í jólaprófunum. Heimapróf, sólarhringur og öll gögn leyfð. Eina skilyrðið var engin samvinna. Þegar sami nemandi hringdi í mig til að fá svörin við „bara einni spurningu“, og var svo yfir sig hneykslaður á því að ég vildi ekki hjálpa honum, var mér öllum lokið. Ætli þetta hafi verið einu skiptin sem hann, nú reyndur byggingaverkfræðingur, svindlaði? Ekki séns.
Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun
Bílahús í Reykjavíkurborg – aðgengi, lög og ójöfnuður Alma Ýr Ingólfsdóttir,Vilhjálmur Hjálmarsson,Bergur Þorri Benjamínsson,Sigurður Ágúst Sigurðsson Skoðun
Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun
Bílahús í Reykjavíkurborg – aðgengi, lög og ójöfnuður Alma Ýr Ingólfsdóttir,Vilhjálmur Hjálmarsson,Bergur Þorri Benjamínsson,Sigurður Ágúst Sigurðsson Skoðun