Til hamingju með nýju geitina þína Kolbeinn Tumi Daðason skrifar 27. mars 2015 09:14 Ég hef fengið ýmsar afmælisgjafir í gegnum tíðina en man eftir fæstum þeirra. Reyndar hélt ég bara almennilega upp á tvítugsafmælið og þrítugsafmælið, þ.e. á þann hátt að fólki þótti óþægilegt að mæta í gleðskapinn án þess að mæta með eitthvað meðferðis. Þar voru vafalítið rauðvínsflöskur og viskíflöskur meðal gjafa þótt ég muni það ekki. Hins vegar mun ég aldrei gleyma geitunum sem ég fékk að gjöf. Í þrítugsafmælisgjöf fékk ég nefnilega að gefa þremur fjölskyldum í Afríku geit og þeirri fjórðu kamar. Um er að ræða gjafir sem gefa – sem auðvelt er að kaupa á vefsíðu UNICEF. Fleiri góðgerðarsamtök bjóða vafalítið upp á svipaða valkosti. Gjöfin var fullkomin fyrir mig sem get aldrei látið mér detta neitt í hug við jól og afmæli. Aldrei finnst mér mig vanta neitt. Ástæða þess að strákarnir fóru þessa leið var sú að ég var byrjaður að taka upp á því að gera slíkt hið sama þegar þeir fögnuðu afmælisgjöfum sínum. Ekki er ég viss um að öllum hafi fundist það rosalega spennandi gjöf við fyrstu sýn en það breyttist örugglega fljótt. Þeir voru allavega hæstánægðir þegar þeir afhentu mér gjöfina og ég ekki síður. Gjafir sem þessar eru hin fullkomna lausn þegar þú veist ekkert hvað þú átt að gefa. Margir vinir mínir hafa fengið fótbolta í afmælisgjöf, þ.e. fótbolti er gefinn í þeirra nafni til ungs og efnilegs pilts eða stúlku í Afríku. Þá gaf tengdafaðir minn fyrrverandi mér einu sinni í jólagjöf styrk til stúlknaliðs í knattspyrnu í Afríkulandi svo hægt væri að kaupa bolta og treyjur fyrir stelpurnar. Frábær gjöf. Hvað ætlarðu að gefa fjórtán ára frænda þínum sem er að fermast? Ef hann er töffari og með hlutina á hreinu mun hann örugglega sjá fegurðina í gjöfum sem gefa. Það sem meira er, Jesús hlýtur að vera mikill stuðningsmaður gjafa á borð við þessar. Viltu birta grein á Vísi? Sendu okkur póst. Senda grein Kolbeinn Tumi Daðason Mest lesið Á hvaða ári er Inga Sæland stödd? Snorri Másson Skoðun Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun 76 dagar Erlingur Sigvaldason Skoðun Draugagangur í Alaska Hannes Pétursson Skoðun Sporin þín Valtýr Soffía Sigurðardóttir Skoðun Skýr stefna um málfrelsi Róbert H. Haraldsson Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Aðild að Evrópusambandinu kallar á breytt vinnubrögð Guðmundur Ragnarsson Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Ég hef fengið ýmsar afmælisgjafir í gegnum tíðina en man eftir fæstum þeirra. Reyndar hélt ég bara almennilega upp á tvítugsafmælið og þrítugsafmælið, þ.e. á þann hátt að fólki þótti óþægilegt að mæta í gleðskapinn án þess að mæta með eitthvað meðferðis. Þar voru vafalítið rauðvínsflöskur og viskíflöskur meðal gjafa þótt ég muni það ekki. Hins vegar mun ég aldrei gleyma geitunum sem ég fékk að gjöf. Í þrítugsafmælisgjöf fékk ég nefnilega að gefa þremur fjölskyldum í Afríku geit og þeirri fjórðu kamar. Um er að ræða gjafir sem gefa – sem auðvelt er að kaupa á vefsíðu UNICEF. Fleiri góðgerðarsamtök bjóða vafalítið upp á svipaða valkosti. Gjöfin var fullkomin fyrir mig sem get aldrei látið mér detta neitt í hug við jól og afmæli. Aldrei finnst mér mig vanta neitt. Ástæða þess að strákarnir fóru þessa leið var sú að ég var byrjaður að taka upp á því að gera slíkt hið sama þegar þeir fögnuðu afmælisgjöfum sínum. Ekki er ég viss um að öllum hafi fundist það rosalega spennandi gjöf við fyrstu sýn en það breyttist örugglega fljótt. Þeir voru allavega hæstánægðir þegar þeir afhentu mér gjöfina og ég ekki síður. Gjafir sem þessar eru hin fullkomna lausn þegar þú veist ekkert hvað þú átt að gefa. Margir vinir mínir hafa fengið fótbolta í afmælisgjöf, þ.e. fótbolti er gefinn í þeirra nafni til ungs og efnilegs pilts eða stúlku í Afríku. Þá gaf tengdafaðir minn fyrrverandi mér einu sinni í jólagjöf styrk til stúlknaliðs í knattspyrnu í Afríkulandi svo hægt væri að kaupa bolta og treyjur fyrir stelpurnar. Frábær gjöf. Hvað ætlarðu að gefa fjórtán ára frænda þínum sem er að fermast? Ef hann er töffari og með hlutina á hreinu mun hann örugglega sjá fegurðina í gjöfum sem gefa. Það sem meira er, Jesús hlýtur að vera mikill stuðningsmaður gjafa á borð við þessar.
Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun