Skyldusigur hjá AC Milan

Þremur leikjum er nýlokið í ítölsku seríu A-deildinni í knattspyrnu en þar ber helsta að nefna 4-2 sigur AC Milan á Frosinone sem komst 1-0 yfir í upphafi leiksins.

Ignazio Abate, Carlos Bacca, Giacomo Bonaventura og Alex skoruðu allir sitt markið hver fyrir Milan í leiknum. Federico Dionisi náði að minnka muninn í 3-2 fyrir Frosinone fimm mínútum fyrir leikslok en lengra komst liðið ekki. AC Milan bætti við marki rétt undir lokin.  

Sampdoria vann þægilegan sigur á Palermo, 2-0 og Udinese vann Torino á útivelli, 1-0. Inter er sem fyrr í efsta sæti deildarinnar með 36 stig en AC Milan er í því sjötta með 28 stig. Inter Milan og Lazio mætast síðar í kvöld.