Jólalestin ekur um borgina í tuttugasta sinn

Árleg Jólalest Coca-Cola heldur í dag í sína árlegu ferð um höfuðborgarsvæðið, en lagt verður af stað frá Stuðlahálsi klukkan 16 og mun lestin keyra um mörg hverfi höfuðborgarsvæðisins. Lestin leggur svo leið sína niður Laugaveginn um klukkan 17.

Í tilkynningu frá Vífilfelli segir að þetta sé í tuttugasta sinn sem jólalestin ferðist um borgina en í jólalestinni er að finna fimm stóra flutningabíla sem skreyttir eru ljósaseríum.

„Jólalestin mun hvergi stoppa nema við Barnaspítala Hringsins þar sem jólasveinninn heimsækir börnin sem þar dvelja og færir þeim gjafir,“ segir í tilkynningunni.