Arnór Ingvi og félagar halda í toppsætið

Arnór Ingvi Traustason og félagar í Norrköping unnu fínan sigur á Hamlstad í sænsku úrvalsdeildinni í knattspyrnu í dag. Leikurinn fór 3-1 en Arnór var í byrjunarliði liðsins og fór af velli rétt undir lok leiksins.

Norrköping  er því enn í efsta sæti deildarinnar með 63 stig þegar aðeins ein umferð er eftir af deildarkeppninni.

AIK er í öðru sæti deildarinnar með 60 stig en á einn leik til góða. Alhaji Kamara skoraði tvö mörk fyrir Norrköping og Emir Kujovic eitt.