Fimmtudaginn 29. október efnir Veiðimaðurinn til uppskeruhátíðar þar sem veiðisumarið 2015 verður gert upp á léttu nótunum.
Gleðin fer fram í Þróttaraheimilinu í Laugardal kl. 20-24. Veiðimenn eiga margir erfitt með að ná af sér brosinu eftir sumarið enda var veiðin með eindæmum góð. Stiklað verður á stóru á ársvæðum SVFR, við segjum þér hvaða fluga sló í gegn í sumar, hvaða hylur gaf flesta laxa, hver veiddi stærsta laxinn og margt fleira!
Stórlax ársins fær sérstaka viðurkenningu en dregið verður úr nöfnum veiðimanna sem slepptu tveggja ára laxi á svæðum SVFR í sumar. Þá verður besta veiðimynd sumarsins verðlaunuð – sendu okkur eina ferska – ritstjóri Veiðimannsins bíður spenntur (herrvilberg@gmail.com). Happahylurinn verður að sjálfsögð á sínum stað en dagskrá verður birt í næstu viku. Taktu því daginn frá, hringdu í veiðifélagana og sjáumst kát í Laugardalnum 29. október!
