Bílasala GM minni en í fyrra Finnur Thorlacius skrifar 19. október 2015 11:19 Höfuðstöðvar General Motors í Detroit. Autoblog Þó svo sala bíla sé stóraukin í sumum heimshlutum er hún dræm á mörgum stærri mörkuðum fyrir bíla. Þetta endurspeglast í minni sölu bíla hjá stærsta bandaríska bílaframleiðandanum, General Motors. GM hefur selt 1,3% færri bíla á fyrstu 9 mánuðum ársins en í fyrra. Salan dróst saman um 3,1% á þriðja ársfjórðungi og nam 2,3 milljón bílum. Salan í heimalandinu Bandaríkjunum hefur verið ágæt og jókst um 4,9% á fyrstu 9 mánuðunum. Er það helst góð sala á jepplingum og pallbílum sem heldur uppi sölunni. Sala GM í Evrópu var 1,1% meiri en í fyrra á þriðja ársfjórðungi en er 6,3% undir sölunni í fyrra á fyrstu 9 mánuðum ársins. GM er því að tapa markaðshlutdeild í álfunni þar sem vöxturinn í bílasölu þar hefur verið með ágætum í ár. Salan í Kína er 1,6% yfir sölunni í fyrra, en þó féll hún um 4,2% á þriðja ársfjórðungi. Mesta hrun í sölu hefur verið í S-Ameríku og þar hafa selst 30,8% færri bílar á árinu en í fyrra. Sala GM, Toyota og Volkswagen er einkar jöfn, eins og í fyrra, eða í kringum 10 milljón bílar á hvert fyrirtæki og spennandi verður að sjá hvaða fyrirtæki endar sem það söluhæsta í árslok. Vandamál Volkswagen vegna dísilvélasvindlsins gæti haft þau áhrif að fyrirtækið endar sem það þriðja söluhæsta, en sala Volkswagen hefur ekki enn minnkað svo neinu nemur, en næstu mánuðir gætu þó orðið VW erfiðir. Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Ánægður með frumvarp sjálfstæðismanna Innlent Tjóðraði móður sína við stól til að drepa eiginmann sinn Erlent Sæðisgjafar tilkynni það fjölskyldu sinni svo ekki verði „slys“ Innlent Alþingismerkið hafi aldrei verið heilagt Innlent Jörðin fær tímabundið annað tungl Erlent Varpa sprengjum á fjölbýlishús í Karkív Erlent
Þó svo sala bíla sé stóraukin í sumum heimshlutum er hún dræm á mörgum stærri mörkuðum fyrir bíla. Þetta endurspeglast í minni sölu bíla hjá stærsta bandaríska bílaframleiðandanum, General Motors. GM hefur selt 1,3% færri bíla á fyrstu 9 mánuðum ársins en í fyrra. Salan dróst saman um 3,1% á þriðja ársfjórðungi og nam 2,3 milljón bílum. Salan í heimalandinu Bandaríkjunum hefur verið ágæt og jókst um 4,9% á fyrstu 9 mánuðunum. Er það helst góð sala á jepplingum og pallbílum sem heldur uppi sölunni. Sala GM í Evrópu var 1,1% meiri en í fyrra á þriðja ársfjórðungi en er 6,3% undir sölunni í fyrra á fyrstu 9 mánuðum ársins. GM er því að tapa markaðshlutdeild í álfunni þar sem vöxturinn í bílasölu þar hefur verið með ágætum í ár. Salan í Kína er 1,6% yfir sölunni í fyrra, en þó féll hún um 4,2% á þriðja ársfjórðungi. Mesta hrun í sölu hefur verið í S-Ameríku og þar hafa selst 30,8% færri bílar á árinu en í fyrra. Sala GM, Toyota og Volkswagen er einkar jöfn, eins og í fyrra, eða í kringum 10 milljón bílar á hvert fyrirtæki og spennandi verður að sjá hvaða fyrirtæki endar sem það söluhæsta í árslok. Vandamál Volkswagen vegna dísilvélasvindlsins gæti haft þau áhrif að fyrirtækið endar sem það þriðja söluhæsta, en sala Volkswagen hefur ekki enn minnkað svo neinu nemur, en næstu mánuðir gætu þó orðið VW erfiðir.
Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Ánægður með frumvarp sjálfstæðismanna Innlent Tjóðraði móður sína við stól til að drepa eiginmann sinn Erlent Sæðisgjafar tilkynni það fjölskyldu sinni svo ekki verði „slys“ Innlent Alþingismerkið hafi aldrei verið heilagt Innlent Jörðin fær tímabundið annað tungl Erlent Varpa sprengjum á fjölbýlishús í Karkív Erlent